छोरी जायराले अचानक बलिउड छाड्ने निर्णय गरेपछि आमिर बेखुस, सम्झाउने प्रयास गर्दै


काठमाडौं । जायरा वसीमले अचानक बलिउडको संसार छाड्ने निर्णय लिएपछि सबै आश्चर्यजक परेका छन् । बलिउडमा उनका धेरै प्रशंसकले उनलाई सहानुभूति देखाउँदै यो उनको व्यक्तिगत फैसला रहेको भन्दै यसको सम्मान गरिनुपर्ने बताएका छन् । तर आमिर खान भने जायराको यो फैसला प्रति असन्तुष्ट रहेको बताइएको छ । उ नी अहिले जायरालाई सम्झाउने प्रयासमा छन् । स्रोतका अनुसार जायराले यो निर्णय आवेशमा आएर गरेकी हुन् ।

दंगलको शुटिङको क्रममा पनि जायराले धेरै समस्याको सामना गर्नुपरेको थियो । त्यतिबेला उनको ट्रोल पनि बनाइएको थियो । तर, आमिरले उनलाई साथ दिएका थिए । पछि पछुतो हुने गरी कुनै निर्णय नगर्नका आमिरले सुझाब दिएका हुन् ।

यसैबीच जायराले आफ्नो आगामी फिल्म ‘द स्काई इज पिंक’का निर्मातासँग पनि आफूलाई फिल्म प्रमोशनको हिस्सा नबनाउन आग्रह गरेकी छिन् । यो फिल्ममा जायराका साथै फरहान अख्तर र प्रियंका चोपडाजस्ता ठूलो अनुहार पनि देखिने छ । यो फिल्म ११ अक्टोबरमा रिलिज हुनेछ ।

प्रतिक्रिया दिनुहोस्