प्रेममा धोका पाएपछि देहत्याग गरेका यी चर्चित ७ बलिउड अभिनेत्रीहरु


एजेन्सी । सेलिब्रेटीहरुको जीवन सुखमय र आनन्ददायी हुने गरेको आम मानिसको धारणा हुने गरेको छ । तर, यो सुविधा कमै सेलिब्रेटी तथा अभिनेता र अभिनेत्रीहरुले उपभोग गरेका होलान् । ‘रिल लाइफ’ मा सुन्दर र रंगिन जिन्दगी बाँचिरहेका फिल्म क्षेत्रका कतिपय अभिनेत्रीको ‘रियल लाइफ’ मा पीडादायी जीवन गुजारेका हुन्छन् । सायद यस्तै पीडामा रहेर होला बलिउड केही अभिनेत्रीहरुले आत्महत्या गरे । प्रेममा धोका पाएपछि उनीहरुले मृत्युको बाटो रोजे ।

प्रेममा धोका पाएपछि आत्महत्या गरेका यी हुन् बलिउड अभिनेत्रीहरु :

१. जिया खान
अभिनेत्री जिया खानले पनि सन् २०१३ मा प्रेम सम्बन्धकै कारण उनले प्राण त्यागेकी थिइन् । अभिनेता सुजर पञ्चोलीसँग सम्बन्ध बिग्रिएपछि उनले आत्महत्या गरेको बताइन्छ ।

२. प्रत्यूषा बनर्जी
चर्चित धाराबाहिक टेलिश्रृंखला ‘बालिका बधू’ बाट लोकप्रिय बनेकी अभिनेत्री प्रत्यूषा बनर्जीले झुन्डिएर आत्महत्या गरेकी थिइन् । उनको मृत शरीर पंखामा झुन्डिएको अवस्थामा फेला परेको थियो । प्रेमीबाट धोका पाएपछि उनले आत्महत्या गरेको भारतीय सञ्चार माध्यममा उल्लेख छ ।

३. दिव्या भारती
प्रेम सम्बन्धकै कारण संसार त्याग्ने अभिनेत्रीको सूचीमा दिब्या भारती पनि हुन् । उनले १९ वर्षको उमेरमै संसार त्यागेकी थिइन् । प्रेम सम्बन्ध टुक्रिएपछि उनले ५ तले भवनबाट हाम फालेर आत्महत्या गरेकी थिइन् ।

४. सिल्क स्मिता
त्यस्तै वोल्ड अभिनेत्रीको छवि बनाएकी सिल्क स्मिताले पनि २३ सेप्टेम्बर १९९६ मा आत्महत्या गरेकी थिइन् । करिअर र प्रेम सम्बन्धमा समस्या आएपछि उनले यो कदम उठाएको बताइन्छ ।

५. रुबी सिंह
त्यसैगरी, अभिनेत्री रुबी सिंहलाई पनि पंखामा झुन्डिएको अवस्थामा फेला पारिएको थियो । प्रेममा धोका पाएका कारण आत्महत्या गरेकी पुलिस रिर्पोटमा उल्लेख छ ।

६. विवेका बाबाजी
बलिउडमा आत्महत्या गरेर संसार त्याग्ने अर्की अभिनेत्री हुन् विवेका बाबाजी । सन २००२ को चर्चित फिल्म ‘ये कैसी मोहब्बत’ की अभिनेत्री बाबाजीले सन् २०१० मा आफ्नै कोठामा पंखामा झुण्डिएर आत्महत्या गरेकी थिइन् ।

७. पारबीन बाम्बी
एक्लोपन र डिप्रेसनको सिकारबाट पीडित सुन्दर अभिनेत्री पारबीन बाम्बी असीको दशककी लोकप्रिय अभिनेत्री हुन् । अत्यधिक लागुपदार्थको सेवनका कारण उनको मृत्यु भयो ।

प्रतिक्रिया दिनुहोस्